க.பொ.த பத்திர உயர் தரப் பரீட்சை வினாக்கட்டமைப்பு மற்றும் பரீட்சை தொடர்பான வழிகாட்டல் (அரசியல் விஞ்ஞானம்)

க.பொ.த உயர் தர அரசியல் விஞ்ஞானப் பாடமானது வினாப்பத்திரம் I, வினாப்பத்திரம் II ஆகிய இரண்டு வினாப்பத்திரங்களைக் கொண்டது.

வினாப்பத்திரம் I

•  நேரம் : 02 மணித்தியாலங்கள்

•  வினாப்பத்திரம் I ஆனது, பகுதி A மற்றும் பகுதி B என இரு பகுதிகளைக் கொண்டது.

பகுதி  A

« இதில் 5 தெரிவுகளைக் கொண்ட 30 பல்தேர்வு வினாக்கள் காணப்படும்.

« இங்கு ஒரு வினாவிற்கு 02 புள்ளிகள் வீதம் மொத்தம் 60 புள்ளிகள் வழங்கப்படும்.

 

பகுதி  B

« இதில் குறு விடை வழங்கத்தக்க 20 வினாக்கள் காணப்படும்.

« இங்கு ஒரு வினாவுக்கு 02 புள்ளிகள் வீதம் மொத்தம் 40 புள்ளிகள் வழங்கப்படும்.

 

• வினாப்பத்திரம் I இன் எல்லா வினாக்களுக்கும் கட்டாயம் விடையளிக்க வேண்டும்.

• வினாப்பத்திரம் I இன் A பகுதியினதும் B பகுதியினதும் மொத்தப் புள்ளி 100 ஆகும்.

 

வினாப்பத்திரம் II

•  நேரம் : 03 மணித்தியாலயங்கள்.

•  வினாப்பத்திரம் II ஆனது மொத்தமாக 10 வினாக்களையும் பகுதி I, பகுதி II, பகுதி III என மூன்று பகுதிகளையும் கொண்டதாககக் காணப்படும்.

« பகுதி I இல் கட்டுரை வகை வினாக்கள் 03 காணப்படும்.

« பகுதி II இல் கட்டுரை மற்றும் அரைக்கட்டமைப்பு வகை  வினாக்கள் 04 காணப்படும்.

« பகுதி III இல் கட்டுரை மற்றும் அரைக்கட்டமைப்பு வகை வினாக்கள் 03 காணப்படும்.

 

இம்மூன்று பகுதிகளிலிருந்தும் அதாவது,

« பகுதி I இருந்து குறைந்தது ஒரு வினாவையும்,

« பகுதி II இல் இருந்து குறைந்தபட்சம் இரு வினாக்களையும்,

« பகுதி III இல் இருந்து குறைந்தபட்சம் ஒரு வினாவையும் உள்ளடக்கிய வகையில் மொத்தமாக 05 வினாக்களுக்கு விடை எழுத வேண்டும்.

 

•  வினாப்பத்திரம் II இற்கான மொத்தப் புள்ளிகள் 100 ஆகும்.

•  வினாப்பத்திரம் II வினாக்களுக்கு புள்ளிகள் வழங்கப்படும் முறை

1)   10 புள்ளிகள் கொண்ட வினா ஒன்றுக்கு

 « அறிமுகம்                 (1 புள்ளிகள்)

« உள்ளடக்கம்       (8 புள்ளிகள்)

« முடிவுரை                 (1 புள்ளிகள்)

 

2)   20 புள்ளிகள் கொண்ட வினா ஒன்றுக்கு

« அறிமுகம்                (2 புள்ளிகள்)

« உள்ளடக்கம்            (16 புள்ளிகள்)

« முடிவுரை                 (2 புள்ளிகள்)

 

 

இறுதி மொத்தப் புள்ளியைக் கணித்தல்

« வினாப்பத்திரம் I             -        100

« வினாப்பத்திரம் II            -        100

« இறுதி மொத்தப் புள்ளி   -        200/2 = 100

 

வினாக்;களுக்கு விடைகளை அளிப்பதற்கான வழிகாட்டல்

1. பல்தேர்வு வினாக்கள்

« மாணவர்கள் பல்தேர்வு வினாக்களுக்கு விடையளிக்கும் போது, கொடுக்கப்படும் அறிவுறுத்தல்களை மிக அவதானத்துடன் கவனத்தில் கொண்டு, துல்லியமான முறையில் விடைகளை தெரிவு செய்ய வேண்டும்.

« உதாரணமாக, விடையளிக்க முன்னர் பொருத்தமான கூற்றையா அல்லது மிகப்பொருத்தமான கூற்றையா, அல்லது பொருத்தமற்ற கூற்றையா தெரிவு செய்ய வேண்டும் என்பதை தெளிவாக விளங்கிக் கொள்ளல். அத்துடன் மிகப் பொருத்தமான விடையை தெரிவு செய்துள்ளதை உறுதிப்படுத்;திக் கொள்ளல்.

« விடையளிக்கும் போது இலகுவான அல்லது நிச்சியமாக விடை தெரிந்த வினாக்கள் அனைத்திற்கும் முதலில் விடையளிக்க வேண்டும்.

« சிக்களுக்குரிய வினாக்கள் ஏதும் காணப்படுமாயின் அவை தொடர்பாக சிந்தித்து அதிக நேரத்தை வீணடிக்காமல் அதை விட்டுவிட்டு அடுத்த கேள்விக்கு செல்ல வேண்டும். நிச்சியமான விடை தெரிந்த எல்லா வினாக்களுக்கும் விடையளித்து முடிந்த பின்னர் அவ்வினாக்களுக்கு விடையளிக்க முனைய வேண்டும்.

« ஒரு வினாவுக்கு செலவிட வேண்டிய நேரம் எவ்வளவு என்பது தொடர்பாகவும் அறிந்திருத்தல் வேண்டும்.

« மாணவர்களிடம் இப்பகுதியில் உள்ள வினாக்களில் தெளிவற்ற நிலை அல்லது மயக்க நிலை காணப்படுமாயின் அது புள்ளிகளை இழக்க செய்யும் என்பதும் இங்கு குறிப்பிடத்தக்கது.

 

2. குறு வினாக்கள்

« மாணவர்கள் குறு வினாக்களுக்கு விடையளிக்க முன்னர், அவற்றை கவனமாக நன்கு வாசித்து விளங்கிய பின்னரே அவற்றுக்கு விடையளிக்க வேண்டும்.

« விடைகளை அளிக்கும்போது வினாக்களுக்கு ஏற்ப குறித்த ஒழுங்கு முறையிலும், தெளிவாகவும், முழுமையாகவும் விடைகளை எழுத வேண்டும்.

« ஒரு வினாவுக்கு செலவிட வேண்டிய நேரம் எவ்வளவு என்பது தொடர்பாகவும் அறிந்திருத்தல் வேண்டும்.

« ஒழுங்கு முறை மாறி எழுதப்படும் விடைகள் (விடைகள் சரியாக இருந்தாலும்) மற்றும் முழுமையாக எழுதப்படாத விடைகள் எனபவற்றிற்கு, முழுமையான புள்ளிகள் வழங்கப்படுவதில்லை.

 

3. கட்டுரை மற்றும் அரைக்கட்டமைப்பு வினாக்கள்

« கட்டுரை மற்றும் அரைக்கட்டமைப்பு வினாக்கள் முழுமையான வினாக்களாகவோ அல்லது பகுதிகளாக பிரிக்கப்பட்ட வினாக்களாகவோ காணப்பட முடியும்.

« வினாப்பத்திரத்திலுள்ள அடிப்படை அறிவுறுத்தல்களை வாசித்து நன்கு விளங்கிக்கொள்ள வேண்டும். அதாவது ஒவ்வொரு பகுதியிலிருந்தும் எத்தனை வினாக்களுக்கு விடையளிக்க வேண்டும். எந்ததெந்த வினாக்கள் கட்டாயமானது, வழங்கப்பட்டுள்ள நேரம் எவ்வளவு, குறித்த வினாக்களுக்கு எத்தனை புள்ளிகள் வழங்கப்படும் என்பனவற்றை கவனத்தில் கொள்ளவேண்டும்.

« பூரணமாக விடையளிக்க முடியுமான, ஓரளவு விடையளிக்க முடியுமான மற்றும் விடையளிக்க கடினமான வினாக்கள் எவை என்பதை சரியாக இனங்கண்டு, அதனடிப்படையில் விடையளிக்கவுள்ள எல்லா வினாக்களையும் அiயாளப்படுத்திக் கொள்ள வேண்டும்.

« வினாக்களுக்கு விடையளிக்க முன்னர் அவற்றை நன்கு வாசித்து, சரியாக விளங்கி பொருத்தமான விடைகளை எழுத வேண்டும்.

« விடையளிக்கும்போது நேர மகாமைத்துவத்தையும் கவனத்தில் கொள்ள வேண்டும். ஒரு வினாவிலேயே அதிக நேரத்தை செலவிடமால், குறித்த வினாவிற்கு ஒதுக்கப்பட்ட நேரத்தில் அதற்கான விடைகளை எழுதி முடிக்க வேண்டும். மேலும் நேரம் தேவைப்பட்டால் எல்லா வினாக்களுக்கும் விடையளித்த பின்னர் அவற்றை தொடர வேண்டும்.

« வினாக்களுக்கு விடையளிக்கும்பொது சகல பிரதான வினாக்களையும் ஒரு புதிய பக்கத்தில் ஆரம்பிக்க வேண்டும்.

« வினா இலக்கங்கள், பிரிவுகள், உப பிரிவுகள் மற்றும்‌ உதாரணங்கள் என்பவற்றை‌ முறையாக வகைப்படுத்தி எழுத வேண்டும்‌.

« விடைகளை எழுதும்போது சுருக்க விடைகளை எழுத வேண்டிய வினாக்களுக்கு நீண்ட விளக்கங்களை எழுதுதல், விளக்கமான விடைகளை எழுத வேண்டிய வினாக்களுக்கு சுருக்க விடைகளை எழுதுதல் என்பன தவிர்க்கப்பட வேண்டும்‌.

« விடைகள் வினவப்பட்ட வினாவிற்கு ஏற்ப தர்க்கரீதியாகவும்‌ பகுப்பாய்வுரீதியாகவும்‌ எழுதப்பட வேண்டும்‌. அதாவது, ஒவ்வொரு தலைப்போடும்‌ தொடர்பான விடயங்களை விளக்கும்பேது நடைமுறையிலுள்ள அரசியல்‌ செயற்பாடுகளையும்‌ நிகழ்வுகளையும்‌ பாடத்துடன்‌ இணைந்த விதத்தில்‌ விளக்க வேண்டும்‌.

« மாணவர்கள் இவ்வகையான வினாக்களுக்கு விடையளிக்கின்ற போது பின்வரும் அமைப்பில் அவற்றை எழுதுவது மிகவும் பயன்மிக்கதாக அமையும்.

I. அறிமுகம்     

w குறிப்பிட்ட விடயம் என்றால் என்ன?

w அது பற்றிய விளக்கம்

w அதன் தோற்றம், வரலறு மற்றும் முக்கியத்துவம் போன்ற விடயங்களை போதுமான அளவில் அறிமுகப்பகுதியில் குறிப்பிட வேண்டும்.   

 

II. உள்ளடக்கம் / கலந்துரையாடல்

w வினவப்பட்ட வினாவுக்கு பொருத்தமான விடைகளை ஒவ்வொன்றாக உரிய ஒழுங்குமுறையில் எழுத வேண்டும்.

w வினாவிற்கு ஏற்ப அவற்றை ஒவ்வொன்றாக விளக்கப்படுத்த or ஆராய or விமர்சிக்க வேண்டும்.

 

III. முடிவுரை

இருதியாக நடைமுறையுடன் தொடர்புபடுத்தியவகையில் மேலே குறிப்பிட்ட விடயங்களை தொகுத்ததாக சுருக்கமான முடிவுரை ஒன்றையும் எழுத வேண்டும்.

 

பொதுவான வழிகாட்டல் விடயங்கள்

« வினாக்களின் இலக்கங்களை சரியாக இட வேண்டும். இல்லையெனில் புள்ளிகளை இழக்க நேரிடும்.

« விடைகளை குறித்த நேரத்தினுள் தெளிவாகவும், நேர்த்தியாகவும், இலகுவான மொழிநடையிலும் எழுத வேண்டும்.

« கையெழுத்துக்கள் சரியாகவும், தெளிவாகவும் காணப்பட வேண்டும்‌.

« சுட்டெண்ணை சகல பக்கங்களிலும்‌ உரிய இடத்தில்‌ எழுத வேண்டும்‌.

« விடைகளை எழுதும்போது சிவப்பு நிற, பச்சை நிறப்‌ பேனாக்களைப்‌ பயன்படுத்துவதைத்‌ தவிர்க்க வேண்டும்‌.

 

பரீட்சையில் மாணவர்கள் பொதுவாக வெளிப்படுத்துகின்ற சில குறைபாடுகள்

« வினாவை விளங்கி விடையளிக்காமை.

« வினாவை கிரகிக்கமால் மனனம்‌ செய்த ஒரு விடையை எழுதுதல்‌.

« கூற்றுகளை ஞாபகத்தில்‌ வைத்துக்‌ கொள்ளாமை.

« விடைகளை எழுதும்போது விமர்சன முறையில்‌ விடயங்களை முன்வைக்காமை.

« ஒப்பிட்டு விளக்க வேண்டிய பகுதிகளை ஒப்பிடாமை.

« சம்பந்தப்பட்ட விடயத்தை மட்டும்‌ தெரிவு செய்து எழுத முடியாமை.

« அறிமுகம் மற்றும் முடிவுரை என்பன எழுதப்படாமை.

« கூறப்பட்ட வினாக்களை விட அதிக வினாக்களுக்கு விடையளித்தல் (மேலதிகமாக விடை எழுதப்பட்ட வினாக்கள் எக்காரணம் கொண்டும் கவனத்தில் கொள்ளப்பட மாட்டாது. மாறாக நேர விரயம் மாத்திரமே ஏற்படும்)

« விடயங்களை முன்வைக்கும்போது தெளிவான புரியும்‌ தன்மையின்மையால்‌ நம்பிக்கையின்றி விடைகளை எழுதுதல்‌.

« விடைகளை முன்வைக்கும்போது விடையின்‌ அற்றொழுக்கு பலவீனமாகக்‌ காணப்படுதல்‌.

« விடைகளில் வசன உடைவுகள், எழுத்துப் பிழைகள் காணப்படல்.

« கோட்பாட்டுக்கும்‌ நடைமுறைக்குமிடையில்‌ வேறுபாட்டை இனம்‌ காணாமை.

« ஒரு பாட விடயத்தை உறுதிப்படுத்துவதற்கு பிறிதொரு பாட விடயத்தை எடுக்காமை.

« வெளிவாரியான நூல்களிலிருந்து விடயங்களைச்‌ சேர்ப்பதில்‌ ஆர்வமின்மை.

ஆசிரியர் :  M.S.M. Naseem  M.Ed ®,  BA (Hons), MA (in Political Science)